Poslovne vesti - Makedonija

Буџетски пари за кредитите

Владата секоја година ќе одвојува по неколку милиони денари буџетски средства за отплата на граѓанските станбени кредити до 50 отсто за период од 5 години.

Ова е дел од изборната програма на ВМРО-ДПМНЕ, која според вицепремиерот и министер за финансии Зоран Ставрески е конкретна мерка, која предвидува учество на владата до 50 отсто во месечната рата на граѓаните при исплата на станбен кредит или можност за субвенционирање на 50 отсто од потребното учество на граѓанинот за добивање станбен кредит. Субвенционирањето кое изнесува 6.250 евра, се однесува за кредитно задолжување од 50.000 евра за лица кои го немаат решено стабеното прашање.

Ставрески потенцира дека се планира и натаму зголемување на пензиите до 30 отсто, на платите во јавниот сектор до 21 отсто, субвенции за земјоделството во висина од 670 милиони евра кои ќе бидат исплатени до 2015 година.